jo phira ke usne munh ko ba-qafa naqab ulTa

jo phirā ke us ne muñh ko ba-qafā naqāb ulTā

udhar āsmān ulTā udhar āftāb ulTā

na qafas meñ aise mujh ko tū asiir kiijo sayyād

ki ghaḌī ghaḌī vo hove dam-e-iztirāb ulTā

mare haal par muġhāñ ne ye karam kiyā ki hañs hañs

mire nange sar pe rakkhā qadah-e-sharāb ulTā

tirā tishna-lab jahāñ se jo gayā lahad pe us kī

pas-e-marg bhī kisī ne na sabū-e-āb ulTā

mirī aah ne jo kholī ye qushūn-e-ashk bairaq

vahīñ barq-o-rā'd le kar ilm-e-sahāb ulTā

jo ḳhayāl meñ kisū ke shab-e-hijr so gayā ho

na ho sub.h ko ilāhī kabhī us kā ḳhvāb ulTā

mire dam ulaTne kī jo ḳhabar us ko dī kisī ne

vahīñ niim rah se qāsid ba-sad iztirāb ulTā

jo 'alī kā hukm nāfiz na falak pe thā to phir kyoñ

ba-gah-e-ġhurūb aayā nikal āftāb ulTā

agar is meñ tū sah-ġhazla jo kahe to kaam bhī hai

nahīñ 'mus.hafī' maza kyā jo do rū kabāb ulTā

jo phira ke us ne munh ko ba-qafa naqab ulTa

udhar aasman ulTa udhar aaftab ulTa

na qafas mein aise mujh ko tu asir kijo sayyaad

ki ghaDi ghaDi wo howe dam-e-iztirab ulTa

mare haal par mughan ne ye karam kiya ki hans hans

mere nange sar pe rakkha qadah-e-sharab ulTa

tera tishna-lab jahan se jo gaya lahad pe us ki

pas-e-marg bhi kisi ne na sabu-e-ab ulTa

meri aah ne jo kholi ye qushun-e-ashk bairaq

wahin barq-o-ra'd le kar ilm-e-sahab ulTa

jo KHayal mein kisu ke shab-e-hijr so gaya ho

na ho subh ko ilahi kabhi us ka KHwab ulTa

mere dam ulaTne ki jo KHabar us ko di kisi ne

wahin nim rah se qasid ba-sad iztirab ulTa

jo 'ali ka hukm nafiz na falak pe tha to phir kyon

ba-gah-e-ghurub aaya nikal aaftab ulTa

agar is mein tu sah-ghazla jo kahe to kaam bhi hai

nahin 'mushafi' maza kya jo do ru kabab ulTa