جو رہین تغیرات نہیں
جو رہین تغیرات نہیں
موت ہے موت وہ حیات نہیں
کچھ بہاروں ہی پہ نہیں موقوف
میری وحشت کو بھی ثبات نہیں
مسئلے حسن کے بھی نازک ہیں
عشق ہی کے معاملات نہیں
آج سے دل یہ بزم ہے ان کی
یہ حریم تصورات نہیں
شاخ گل ہو کہ گردن مینا
میرے ہاتھوں میں ان کا ہات نہیں
کعبہ و دیر کو ثبات ہے کب
میکدے کو اگر ثبات نہیں
حسن سے کائنات ہے ساغرؔ
عشق بنیاد کائنات نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
