jo rahin-e-taghayyuraat nahin
jo rahīn-e-taġhayyurāt nahīñ
maut hai maut vo hayāt nahīñ
kuchh bahāroñ hī pe nahīñ mauqūf
merī vahshat ko bhī sabāt nahīñ
mas.ale husn ke bhī nāzuk haiñ
ishq hī ke muāmlāt nahīñ
aaj se dil ye bazm hai un kī
ye harīm-e-tasavvurāt nahīñ
shāḳh-e-gul ho ki gardan-e-mīnā
mere hāthoñ meñ un kā haat nahīñ
ka.aba-o-dair ko sabāt hai kab
mai-kade ko agar sabāt nahīñ
husn se kā.enāt hai 'sāġhar'
ishq buniyād-e-kā.enāt nahīñ
jo rahin-e-taghayyuraat nahin
maut hai maut wo hayat nahin
kuchh bahaaron hi pe nahin mauquf
meri wahshat ko bhi sabaat nahin
masale husn ke bhi nazuk hain
ishq hi ke muamlat nahin
aaj se dil ye bazm hai un ki
ye harim-e-tasawwuraat nahin
shaKH-e-gul ho ki gardan-e-mina
mere hathon mein un ka hat nahin
kaba-o-dair ko sabaat hai kab
mai-kade ko agar sabaat nahin
husn se kaenat hai 'saghar'
ishq buniyaad-e-kaenat nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
