jo sae mein shajar ke hon unhen jalte nahin dekha

jo saa.e meñ shajar ke hoñ unheñ jalte nahīñ dekhā

magar qad-kāTh bhī un kā kabhī baḌhte nahīñ dekhā

koī marham to aisā ho jo mere zaḳhm bhar jaa.eñ

zabāñ ne jo lagā.e hoñ unheñ bharte nahīñ dekhā

musāfir the jo haq ke gar tah-e-ḳhanjar hue bhī to

janāze uThte dekhe haiñ unheñ marte nahīñ dekhā

jinheñ tum ḳhvāb kahte ho haqīqat banñe vaale haiñ

haqīqat meñ kabhī ḳhvāboñ ko yuuñ marte nahīñ dekhā

jarī thā vo bahādur thā use rab par yaqīñ kāmil

kisī ko is tarah dushman se bhī laḌte nahīñ dekhā

use bas apne logoñ se kuchh aisī ḳhaas nisbat hai

ki ġhairoñ se kabhī ham ne use milte nahīñ dekhā

jo sae mein shajar ke hon unhen jalte nahin dekha

magar qad-kaTh bhi un ka kabhi baDhte nahin dekha

koi marham to aisa ho jo mere zaKHm bhar jaen

zaban ne jo lagae hon unhen bharte nahin dekha

musafir the jo haq ke gar tah-e-KHanjar hue bhi to

janaze uThte dekhe hain unhen marte nahin dekha

jinhen tum KHwab kahte ho haqiqat banne wale hain

haqiqat mein kabhi KHwabon ko yun marte nahin dekha

jari tha wo bahadur tha use rab par yaqin kaamil

kisi ko is tarah dushman se bhi laDte nahin dekha

use bas apne logon se kuchh aisi KHas nisbat hai

ki ghairon se kabhi hum ne use milte nahin dekha