jo samne hai mere wo ghubar kya hoga

jo sāmne hai mire vo ġhubār kyā hogā

ab is se baḌh ke mirā intishār kyā hogā

tamām zarre bikhar kar sameT leñge mujhe

ye jāntā huuñ sar-e-kohsār kyā hogā

har ek ahd meñ TuuTā huuñ phir bhī jāntā huuñ

shikasta logoñ meñ merā shumār kyā hogā

har ek shaḳhs jahāñ apne aap meñ gum ho

vahāñ ham ahl-e-hunar kā shumār kyā hogā

ye aur baat ki maiñ sahn-e-intizār meñ huuñ

magar jo ho chukā vo baar baar kyā hogā

tamām justujū-e-shauq rā.egāñ ai 'shām'

mujhe ḳhabar hai pas-e-intizār kyā hogā

jo samne hai mere wo ghubar kya hoga

ab is se baDh ke mera intishaar kya hoga

tamam zarre bikhar kar sameT lenge mujhe

ye jaanta hun sar-e-kohsar kya hoga

har ek ahd mein TuTa hun phir bhi jaanta hun

shikasta logon mein mera shumar kya hoga

har ek shaKHs jahan apne aap mein gum ho

wahan hum ahl-e-hunar ka shumar kya hoga

ye aur baat ki main sahn-e-intizar mein hun

magar jo ho chuka wo bar bar kya hoga

tamam justuju-e-shauq raegan ai 'sham'

mujhe KHabar hai pas-e-intizar kya hoga