jo saya sa munawwar tha mere sajan ka thoDa tha

jo saaya sā munavvar thā mire sājan kā thoḌā thā

muqaddar yuuñ abhī raushan mire āñgan kā thoḌā thā

vo merā kuchh nahīñ thā phir bhī mujh ko yaad aatā hai

hamāre biich kā naatā kisī bandhan kā thoḌā thā

añdhere meñ to shamshīreñ hī dekhī jā sakīñ lekin

ujāle meñ jo dekhā thā lahū dushman kā thoḌā thā

tumhārī lakḌiyāñ puurī tarah sūkhī nahīñ hoñgī

ab un ke jal na paane meñ qusūr īñdhan kā thoḌā thā

javānī kā thā kuchh hissa buḌhāpe kī batā.ūñ kyā

merī be-tābiyoñ kā silsila bachpan kā thoḌā thā

jo saya sa munawwar tha mere sajan ka thoDa tha

muqaddar yun abhi raushan mere aangan ka thoDa tha

wo mera kuchh nahin tha phir bhi mujh ko yaad aata hai

hamare bich ka nata kisi bandhan ka thoDa tha

andhere mein to shamshiren hi dekhi ja sakin lekin

ujale mein jo dekha tha lahu dushman ka thoDa tha

tumhaari lakDiyan puri tarah sukhi nahin hongi

ab un ke jal na pane mein qusur indhan ka thoDa tha

jawani ka tha kuchh hissa buDhape ki bataun kya

meri be-tabiyon ka silsila bachpan ka thoDa tha