jo shaeraat ke chakkar mein ishq karte hain

jo shā.erāt ke chakkar meñ ishq karte haiñ

vo sirf baat ke chakkar meñ ishq karte haiñ

guzārishāt ke chakkar meñ ishq karte haiñ

sabhī mamāt ke chakkar meñ ishq karte haiñ

shikastagī ke satā.e hue zamāne meñ

dil-e-sabāt ke chakkar meñ ishq karte haiñ

maiñ iḳhtiyār ke har marhale se bāhar huuñ

vo apnī ghaat ke chakkar meñ ishq karte haiñ

jinheñ kabhī kisī mushkil kā sāmnā na ho

vo mushkilāt ke chakkar meñ ishq karte haiñ

ye ishq pyaar mohabbat nahīñ koī kuchh bhī

suhāg-rāt ke chakkar meñ ishq karte haiñ

zamāna ḳhud hī talabgār ho rahā un kā

jo mo.ajizāt ke chakkar meñ ishq karte haiñ

ye maut ma.anī nahīñ rakhtī koī bhī apnā

sabhī hayāt ke chakkar meñ ishq karte haiñ

kahīñ milegā koī to surāġh duniyā kā

so kā.enāt ke chakkar meñ ishq karte haiñ

maiñ 'māhtāb' huuñ niklā huuñ jītne us ko

sabhī to maat ke chakkar meñ ishq karte haiñ

jo shaeraat ke chakkar mein ishq karte hain

wo sirf baat ke chakkar mein ishq karte hain

guzarishat ke chakkar mein ishq karte hain

sabhi mamat ke chakkar mein ishq karte hain

shikastagi ke satae hue zamane mein

dil-e-sabaat ke chakkar mein ishq karte hain

main iKHtiyar ke har marhale se bahar hun

wo apni ghat ke chakkar mein ishq karte hain

jinhen kabhi kisi mushkil ka samna na ho

wo mushkilat ke chakkar mein ishq karte hain

ye ishq pyar mohabbat nahin koi kuchh bhi

suhag-raat ke chakkar mein ishq karte hain

zamana KHud hi talabgar ho raha un ka

jo moajizat ke chakkar mein ishq karte hain

ye maut mani nahin rakhti koi bhi apna

sabhi hayat ke chakkar mein ishq karte hain

kahin milega koi to suragh duniya ka

so kaenat ke chakkar mein ishq karte hain

main 'mahtab' hun nikla hun jitne us ko

sabhi to mat ke chakkar mein ishq karte hain