jo shikayat-e-gham-e-zindagi kabhi lab par apne na la sake

jo shikāyat-e-ġham-e-zindagī kabhī lab par apne na lā sake

vo shab-e-firāq kī dāstāñ bhalā kyā kisī ko sunā sake

ka.ī sar se guzrīñ qayāmateñ paḌīñ ham pe laakh musībateñ

diiñ falak ne kitnī aziyyateñ tumheñ dil se ham na bhulā sake

tū vafā-shanās zarūr hai ye tamām apnā qusūr hai

ye ajab junūñ kā ġhurūr hai tire āstāñ pe na jā sake

vahī dard-e-dil kī hai dāstāñ jo hamesha dil meñ rahe nihāñ

kare ek baar koī bayāñ to zamāne-bhar ko rulā sake

jo shikayat-e-gham-e-zindagi kabhi lab par apne na la sake

wo shab-e-firaq ki dastan bhala kya kisi ko suna sake

kai sar se guzrin qayamaten paDin hum pe lakh musibaten

din falak ne kitni aziyyaten tumhein dil se hum na bhula sake

tu wafa-shanas zarur hai ye tamam apna qusur hai

ye ajab junun ka ghurur hai tere aastan pe na ja sake

wahi dard-e-dil ki hai dastan jo hamesha dil mein rahe nihan

kare ek bar koi bayan to zamane-bhar ko rula sake