jo suKHan ko mere suna kare mera aks ban ke mila kare

jo suḳhan ko mere sunā kare mirā 'aks ban ke milā kare

vahī ham-safar mirī raah meñ mirī raushnī jo ḳhudā kare

mujh chāñd se nahīñ kuchh ġharaz mujhe mahr se kyā gila ki bas

jo charāġh mujh ko pasand hai mire tāqche meñ jalā kare

maiñ daroġh-goī se tañg huuñ maiñ munāfiqoñ se barī ki ab

mujhe dost vo hī 'azīz hai ki jo baat muñh pe kahā kare

mirā lafz merā charāġh hai mirā harf māh-e-tamām hai

jo suḳhan kī bazm kā shaah ho vahī ham-kalām huā kare

jo gulāb milne meñ sahl ho mujhe us kī koī talab nahīñ

mujhe phuul aisā pasand hai ki jo mushkiloñ se milā kare

jo suKHan ko mere suna kare mera 'aks ban ke mila kare

wahi ham-safar meri rah mein meri raushni jo KHuda kare

mujh chand se nahin kuchh gharaz mujhe mahr se kya gila ki bas

jo charagh mujh ko pasand hai mere taqche mein jala kare

main darogh-goi se tang hun main munafiqon se bari ki ab

mujhe dost wo hi 'aziz hai ki jo baat munh pe kaha kare

mera lafz mera charagh hai mera harf mah-e-tamam hai

jo suKHan ki bazm ka shah ho wahi ham-kalam hua kare

jo gulab milne mein sahl ho mujhe us ki koi talab nahin

mujhe phul aisa pasand hai ki jo mushkilon se mila kare