jo tera rang tha us rang se na kah paya

jo terā rañg thā us rañg se na kah paayā

maiñ dil kī baat kabhī Dhañg se na kah paayā

kisī ḳhayāl meñ tartīb koī thī hī nahīñ

so sher koī bhī āhañg se na kah paayā

briādrī ke kisī faisle ne bāñdh diyā

maiñ dil kī baat mirī mañg se na kah paayā

shahīd hone se pahle use bhī dekhnā thā

magar ye baat use jañg se na kah paayā

ajiib sī koī ḳhvāhish thī TūTne kī 'zubair'

maiñ ā.īna thā magar sañg se na kah paayā

jo tera rang tha us rang se na kah paya

main dil ki baat kabhi Dhang se na kah paya

kisi KHayal mein tartib koi thi hi nahin

so sher koi bhi aahang se na kah paya

briadri ke kisi faisle ne bandh diya

main dil ki baat meri mang se na kah paya

shahid hone se pahle use bhi dekhna tha

magar ye baat use jang se na kah paya

ajib si koi KHwahish thi TuTne ki 'zubair'

main aaina tha magar sang se na kah paya