jo tez dauDte the bahut jald thak gae

jo tez dauḌte the bahut jald thak ga.e

ham dhīre dhīre chalte hue duur tak ga.e

utran pahan ke shaah kī ḳhush haiñ musāhibīn

sūraj se bhiik maañg ke zarre chamak ga.e

yāroñ ne zaḳhm-e-dil kā mire yuuñ kiyā ilaaj

aa.e the ḳhuun poñchhne rakh kar namak ga.e

āñkhoñ ko intizār meñ parde pe Taañk kar

chaukhaT se poster kī tarah ham chipak ga.e

vo shā.irī bhī hai ki nahīñ sochiye 'kamāl'

nām-e-ġhazal pe aap bahut kuchh to bak ga.e

jo tez dauDte the bahut jald thak gae

hum dhire dhire chalte hue dur tak gae

utran pahan ke shah ki KHush hain musahibin

suraj se bhik mang ke zarre chamak gae

yaron ne zaKHm-e-dil ka mere yun kiya ilaj

aae the KHun ponchhne rakh kar namak gae

aankhon ko intizar mein parde pe Tank kar

chaukhaT se poster ki tarah hum chipak gae

wo shairi bhi hai ki nahin sochiye 'kamal'

nam-e-ghazal pe aap bahut kuchh to bak gae