jo the manzilon ke firaq mein sabhi raste wo miTa diye

jo the manziloñ ke firāq meñ sabhī rāste vo miTā diye

sar-e-shām hī jo bhaḌak uThe vo alaav maiñ ne bujhā diye

maiñ fareb-e-vaqt meñ qaid thī ruḳh kārvāñ na badal sakī

kaḌī dhuup meñ jo mile shajar to vahīñ pe Dere jamā diye

thā ajiib merā bhī nāḳhudā use āzmānā thā hausla

mujhe zulmatoñ ke sipurd kar ke charāġh saare baḌhā diye

na milā mujhe koī naqsh-e-pā na visāl kā hī sabab banā

mire reza reza se ḳhvāb the shab-e-nā-rasā meñ jalā diye

liye haath meñ vo kaTe shajar rahe muntazir ki mile samar

nazar aa.e un ko na bāl-o-par jo the ghoñsloñ meñ dabā diye

ye tirā karam hai mire ḳhudā vo nazar huī hai mujhe atā

saf-e-dushmanāñ meñ chhupe hue ruḳh-e-dostāñ bhī dikhā diye

kabhī sard sard sī dhuup thī kabhī thī tapish jamī barf meñ

na.e mausamoñ ke mizāj ne sabhī ruḳh fazā ke dikhā diye

mujhe vāhimoñ ne Dasā kabhī kabhī chīḳhtī rahīñ ḳhvāhisheñ

maiñ jo mubtlā-e-fareb thī sar-e-dār sapne sajā diye

jo the manzilon ke firaq mein sabhi raste wo miTa diye

sar-e-sham hi jo bhaDak uThe wo alaw main ne bujha diye

main fareb-e-waqt mein qaid thi ruKH karwan na badal saki

kaDi dhup mein jo mile shajar to wahin pe Dere jama diye

tha ajib mera bhi naKHuda use aazmana tha hausla

mujhe zulmaton ke sipurd kar ke charagh sare baDha diye

na mila mujhe koi naqsh-e-pa na visal ka hi sabab bana

mere reza reza se KHwab the shab-e-na-rasa mein jala diye

liye hath mein wo kaTe shajar rahe muntazir ki mile samar

nazar aae un ko na baal-o-par jo the ghonslon mein daba diye

ye tera karam hai mere KHuda wo nazar hui hai mujhe ata

saf-e-dushmanan mein chhupe hue ruKH-e-dostan bhi dikha diye

kabhi sard sard si dhup thi kabhi thi tapish jami barf mein

nae mausamon ke mizaj ne sabhi ruKH faza ke dikha diye

mujhe wahimon ne Dasa kabhi kabhi chiKHti rahin KHwahishen

main jo mubtla-e-fareb thi sar-e-dar sapne saja diye