jo tere pahlu mein guzri zindagi achchhi lagi

jo tire pahlū meñ guzrī zindagī achchhī lagī

ġham tirā achchhā lagā terī ḳhushī achchhī lagī

yaas ke mausam meñ us kī dil-lagī achchhī lagī

aañkh nam ho kar bhī hoñToñ par hañsī achchhī lagī

dukh bhī us kī raah meñ haiñ sukh bhī us kī raah meñ

maut se har aadmī ko zindagī achchhī lagī

hādse par hādse hī ho rahe haiñ kyā ḳhabar

āsmāñ vaale ko merī bebasī achchhī lagī

ho ga.e gumrāh vo aa kar tumhāre shahr meñ

sab ko us tahzīb-e-nau kī raushnī achchhī lagī

ḳhvāb kī vaadī meñ tanhā phir rahā huuñ roz-o-shab

dostī achchhī na mujh ko rahbarī achchhī lagī

jāgtī āñkhoñ se sāhir dekhtā huuñ dahr ko

gulsitāñ meñ khilne vaalī har kalī achchhī lagī

jo tere pahlu mein guzri zindagi achchhi lagi

gham tera achchha laga teri KHushi achchhi lagi

yas ke mausam mein us ki dil-lagi achchhi lagi

aankh nam ho kar bhi honTon par hansi achchhi lagi

dukh bhi us ki rah mein hain sukh bhi us ki rah mein

maut se har aadmi ko zindagi achchhi lagi

hadse par hadse hi ho rahe hain kya KHabar

aasman wale ko meri bebasi achchhi lagi

ho gae gumrah wo aa kar tumhaare shahr mein

sab ko us tahzib-e-nau ki raushni achchhi lagi

KHwab ki wadi mein tanha phir raha hun roz-o-shab

dosti achchhi na mujh ko rahbari achchhi lagi

jagti aankhon se sahir dekhta hun dahr ko

gulsitan mein khilne wali har kali achchhi lagi