jo tere sath mein kaTi hi nahin

jo tire saath meñ kaTī hī nahīñ

vo mire yaar zindagī hī nahīñ

bujh gayā vo diyā mohabbat kā

duur tak jaise raushnī hī nahīñ

ho ga.ī sab sifārisheñ nākām

pairvī ishq meñ chalī hī nahīñ

bad-gumānī meñ kah gayā hogā

ham se baḌh kar to aadmī hī nahīñ

ranj kī saltanat meñ zinda huuñ

mo.ajiza hai ki saañs hī nahīñ

tū gayā jab se dil meñ aane kī

sun ijāzat kisī ko dī hī nahīñ

kar ga.ī kuuch tū ne kyoñ sochā

maiñ to dil se tire ga.ī hī nahīñ

jaam āñkhoñ se pī liyā us ne

mai-kade kī ḳhabar to lī hī nahīñ

itnā tanhā vo kar gayā 'raushan'

tīrgī umr kī khulī hī nahīñ

jo tere sath mein kaTi hi nahin

wo mere yar zindagi hi nahin

bujh gaya wo diya mohabbat ka

dur tak jaise raushni hi nahin

ho gai sab sifarishen nakaam

pairwi ishq mein chali hi nahin

bad-gumani mein kah gaya hoga

hum se baDh kar to aadmi hi nahin

ranj ki saltanat mein zinda hun

moajiza hai ki sans hi nahin

tu gaya jab se dil mein aane ki

sun ijazat kisi ko di hi nahin

kar gai kuch tu ne kyon socha

main to dil se tere gai hi nahin

jam aankhon se pi liya us ne

mai-kade ki KHabar to li hi nahin

itna tanha wo kar gaya 'raushan'

tirgi umr ki khuli hi nahin