jo wafadar nahin ho sakta

jo vafādār nahīñ ho saktā

vo mirā yaar nahīñ ho saktā

jo bhī kartā hai mohabbat tujh se

vo samajh-dār nahīñ ho saktā

ḳhud ko daftar meñ ye samjhāte haiñ

roz itvār nahīñ ho saktā

be-vafāoñ se ta’alluq rakhnā

merā me.aar nahīñ ho saktā

'ishq meñ hotā hai mujrim vo shaḳhs

jo giraftār nahīñ ho saktā

'ishq meñ hotī hai dushvārī par

'ishq dushvār nahīñ ho saktā

dil se hotī haiñ ḳhatā.eñ lekin

dil gunahgār nahīñ ho saktā

'ishq bhī kar na sake koī shaḳhs

itnā bekār nahīñ ho saktā

jo wafadar nahin ho sakta

wo mera yar nahin ho sakta

jo bhi karta hai mohabbat tujh se

wo samajh-dar nahin ho sakta

KHud ko daftar mein ye samjhate hain

roz itwar nahin ho sakta

be-wafaon se ta’alluq rakhna

mera mear nahin ho sakta

'ishq mein hota hai mujrim wo shaKHs

jo giraftar nahin ho sakta

'ishq mein hoti hai dushwari par

'ishq dushwar nahin ho sakta

dil se hoti hain KHataen lekin

dil gunahgar nahin ho sakta

'ishq bhi kar na sake koi shaKHs

itna bekar nahin ho sakta