jo zauq-e-nazar ho to turki mein aa kar

jo zauq-e-nazar ho to turkī meñ aa kar

hayāt-e-azīma ke āsār dekho

lagā kar na.ī chashmak-zanī ham-saroñ se

laqab jis kā thā mard-e-bīmār dekho

miTāne pe jis ke tulā thā zamāna

ubhartā hai vo turk-e-tātār dekho

ba-iz.hār-e-jur.at ye zor-e-sadāqat

hue kis tarah zer aġhyār dekho

ba-sad shaan jaatā hai antakya ko

atāturk kā ḳhāl-e-jarrār dekho

jo so.e hue the jo kho.e hue the

kiyā un ko yak-laḳht bedār dekho

sañbhaltī haiñ gir kar chamaktī haiñ miT kar

ye haiñ zinda qaumoñ ke atvār dekho

jo zauq-e-nazar ho to turki mein aa kar

hayat-e-azima ke aasar dekho

laga kar nai chashmak-zani ham-saron se

laqab jis ka tha mard-e-bimar dekho

miTane pe jis ke tula tha zamana

ubharta hai wo turk-e-tatar dekho

ba-izhaar-e-jurat ye zor-e-sadaqat

hue kis tarah zer aghyar dekho

ba-sad shan jata hai antakya ko

ataturk ka KHal-e-jarrar dekho

jo soe hue the jo khoe hue the

kiya un ko yak-laKHt bedar dekho

sanbhalti hain gir kar chamakti hain miT kar

ye hain zinda qaumon ke atwar dekho