jo zindagi mein kisi ke bhi kaam aa na sake
jo zindagī meñ kisī ke bhī kaam aa na sake
vo zindagī meñ kabhī zindagī ko pā na sake
ye kis maqām pe qismat ne lā ke chhoḌ diyā
jahāñ ḳhushī meñ bhī ham log muskurā na sake
vo kyā miTā.egā zulmat-kadoñ kī tārīkī
jo ik charāġh bhī ghar ke liye jalā na sake
vo kyā uThā.egā auroñ kā bojh rāhoñ meñ
jo apne aap kā bār-e-garāñ uThā na sake
junūn-e-shauq ne pohñchā diyā kuchh aisī jagah
havās-o-hosh jahāñ mere saath aa na sake
talāsh-e-manzil-e-hastī meñ kho ga.e 'sābir'
milegī kyā unheñ manzil jo ḳhud ko pā na sake
jo zindagi mein kisi ke bhi kaam aa na sake
wo zindagi mein kabhi zindagi ko pa na sake
ye kis maqam pe qismat ne la ke chhoD diya
jahan KHushi mein bhi hum log muskura na sake
wo kya miTaega zulmat-kadon ki tariki
jo ek charagh bhi ghar ke liye jala na sake
wo kya uThaega auron ka bojh rahon mein
jo apne aap ka bar-e-garan uTha na sake
junun-e-shauq ne pohncha diya kuchh aisi jagah
hawas-o-hosh jahan mere sath aa na sake
talash-e-manzil-e-hasti mein kho gae 'sabir'
milegi kya unhen manzil jo KHud ko pa na sake
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.