جو زندگی میں کسی کے بھی کام آ نہ سکے
جو زندگی میں کسی کے بھی کام آ نہ سکے
وہ زندگی میں کبھی زندگی کو پا نہ سکے
یہ کس مقام پہ قسمت نے لا کے چھوڑ دیا
جہاں خوشی میں بھی ہم لوگ مسکرا نہ سکے
وہ کیا مٹائے گا ظلمت کدوں کی تاریکی
جو اک چراغ بھی گھر کے لیے جلا نہ سکے
وہ کیا اٹھائے گا اوروں کا بوجھ راہوں میں
جو اپنے آپ کا بار گراں اٹھا نہ سکے
جنون شوق نے پہنچا دیا کچھ ایسی جگہ
حواس و ہوش جہاں میرے ساتھ آ نہ سکے
تلاش منزل ہستی میں کھو گئے صابرؔ
ملے گی کیا انہیں منزل جو خود کو پا نہ سکے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.