jubba kisi ka aur na dastar dekhna

jubba kisī kā aur na dastār dekhnā

hai kaun muflisoñ kā taraf-dār dekhnā

tarz-e-suḳhan na shoḳhī-e-guftār dekhnā

insāniyat kā kaun hai ġham-ḳhvār dekhnā

ye arsa-e-hayāt bhī sūraj kī zad pe hai

lamhoñ ke ba.ad sāya-e-dīvār dekhnā

har zaad ye hayāt kā merī nazar meñ hai

merā safar hai sūrat-e-parkār dekhnā

dīvār-o-dar pe kaisī musallat hai ḳhāmushī

nairañgī-e-zarīya-e-iz.hār dekhnā

jo dars de rahe haiñ faroġh-e-kitāb kā

kitne vahī haiñ ilm se bezār dekhnā

manshūr jis kā usva-e-shabbīr ho 'ra.īs'

aisā hai kaun sāhab-e-kirdār dekhnā

jubba kisi ka aur na dastar dekhna

hai kaun muflison ka taraf-dar dekhna

tarz-e-suKHan na shoKHi-e-guftar dekhna

insaniyat ka kaun hai gham-KHwar dekhna

ye arsa-e-hayat bhi suraj ki zad pe hai

lamhon ke baad saya-e-diwar dekhna

har zad ye hayat ka meri nazar mein hai

mera safar hai surat-e-parkar dekhna

diwar-o-dar pe kaisi musallat hai KHamushi

nairangi-e-zariya-e-izhaar dekhna

jo dars de rahe hain farogh-e-kitab ka

kitne wahi hain ilm se bezar dekhna

manshur jis ka uswa-e-shabbir ho 'rais'

aisa hai kaun sahab-e-kirdar dekhna