juda bhi mujhse hua wo to pyar mera raha

judā bhī mujh se huā vo to pyaar merā rahā

bas us pe ek yahī iḳhtiyār merā rahā

jo dushmanoñ se milā thā to kyā ġharaz mujh ko

tamām-umr to vo shaḳhs yaar merā rahā

vafā-parast jo do-chār haiñ zamāne meñ

mirā nasīb ki un meñ shumār merā rahā

girā jo kaT ke badan se to jhuk ga.e sab log

baġhair taaj ke sar tājdār merā rahā

guzar ga.ī hai to ab kyā gila karūñ tujh se

magar ai zindagī tujh pe udhār merā rahā

juda bhi mujh se hua wo to pyar mera raha

bas us pe ek yahi iKHtiyar mera raha

jo dushmanon se mila tha to kya gharaz mujh ko

tamam-umr to wo shaKHs yar mera raha

wafa-parast jo do-chaar hain zamane mein

mera nasib ki un mein shumar mera raha

gira jo kaT ke badan se to jhuk gae sab log

baghair taj ke sar tajdar mera raha

guzar gai hai to ab kya gila karun tujh se

magar ai zindagi tujh pe udhaar mera raha