juda hai dard ka mafhum lafz-e-KHwab ke sath
juda hai dard ka mafhum lafz-e-KHwab ke sath
Meer Naqi Ali Khan Saqib
MORE BYMeer Naqi Ali Khan Saqib
judā hai dard kā mafhūm lafz-e-ḳhvāb ke saath
shu.ūr-e-zāt nikhartā hai inqalāb ke saath
nazar uThā ke to dekho ufuq ke chehre par
mirī ġhazal kā taqaddus hai āftāb ke saath
azal se dasht-o-bayābāñ meñ ghūmtī hai hayāt
kabhī naqāb se haT kar kabhī naqāb ke saath
shafaq hai yā tirī āñkhoñ kī mauj-e-be-ḳhvābī
jo ghul rahī hai har ik qatra-e-sharāb ke saath
guzār dī haiñ ka.ī intizār kī shāmeñ
kuchh iztirāb kī ḳhātir kuchh iztirāb ke saath
mire vajūd kī tanhā.iyoñ ke ziine se
utar rahā hai sambhal kar koī hijāb ke saath
rivāyatoñ ke davāvīn dekhne vaalo
na.e mizāj kā chehra paḌho kitāb ke saath
juda hai dard ka mafhum lafz-e-KHwab ke sath
shuur-e-zat nikharta hai inqalab ke sath
nazar uTha ke to dekho ufuq ke chehre par
meri ghazal ka taqaddus hai aaftab ke sath
azal se dasht-o-bayaban mein ghumti hai hayat
kabhi naqab se haT kar kabhi naqab ke sath
shafaq hai ya teri aankhon ki mauj-e-be-KHwabi
jo ghul rahi hai har ek qatra-e-sharab ke sath
guzar di hain kai intizar ki shamen
kuchh iztirab ki KHatir kuchh iztirab ke sath
mere wajud ki tanhaiyon ke zine se
utar raha hai sambhal kar koi hijab ke sath
riwayaton ke dawawin dekhne walo
nae mizaj ka chehra paDho kitab ke sath
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
