juda ho kar samundar se kinara kya banega

judā ho kar samundar se kinārā kyā banegā

nahīñ sochā hai ab tak vo hamārā kyā banegā

mujhe ye ek arse se zamīñ samjhā rahī hai

falak se TuuT kar merā sitārā kyā banegā

maiñ aisā lafz huuñ jis kā koī matlab nahīñ hai

ḳhudā hī jaane merā isti.ārā kyā banegā

musavvir is liye tum ko banānā chāhtā hai

use ma.alūm hai tum bin nazārā kyā banegā

havā se dostī kar lī hai mere nā-ḳhudā ne

mirī kashtī kā dariyā meñ sahārā kyā banegā

tumhārā faisla manzūr hai lekin batāo

bichhaḌ ke mujh se mustaqbil tumhārā kyā banegā

ḳhudā-e-bahr-o-bar tū ne jo phir duniyā banā.ī

hamārī ḳhaak se is meñ dobārā kyā banegā

juda ho kar samundar se kinara kya banega

nahin socha hai ab tak wo hamara kya banega

mujhe ye ek arse se zamin samjha rahi hai

falak se TuT kar mera sitara kya banega

main aisa lafz hun jis ka koi matlab nahin hai

KHuda hi jaane mera istiara kya banega

musawwir is liye tum ko banana chahta hai

use malum hai tum bin nazara kya banega

hawa se dosti kar li hai mere na-KHuda ne

meri kashti ka dariya mein sahaara kya banega

tumhaara faisla manzur hai lekin batao

bichhaD ke mujh se mustaqbil tumhaara kya banega

KHuda-e-bahr-o-bar tu ne jo phir duniya banai

hamari KHak se is mein dobara kya banega