جدا خود سے ہوتا ہوا سامنے
وہ منظر کہ جیسے خدا سامنے
مہکتا ہوا پھول امکان کا
سمندر لہکتا ہوا سامنے
نظر سے گزرتا ہوا سانحہ
کہ منظر بچھڑتا ہوا سامنے
اندھیرا نظر میں چمکتا ہوا
ابھرتا ہوا سر مرا سامنے
نکالو مری جان سورج کوئی
وہ دیکھو ہے کالی گھٹا سامنے
نہ ہے دھوپ کوئی پروں کے پرے
نہ خنجر چمکتا ہوا سامنے
خدا جانے کیا اس کے اندر ہوا
کہ اجملؔ ہے چپ چپ کھڑا سامنے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
