juda shajar se kisi barg ko hawa na kare

judā shajar se kisī barg ko havā na kare

chaman meñ bād-e-muḳhālif chale ḳhudā na kare

tamām umr guzārī hai ġham kī rāhoñ meñ

darāz umr ho merī koī duā na kare

hazār zabt kā aadī hai dil mirā lekin

sitam kī bārisheñ had se koī sivā na kare

bahut hī talḳh haiñ yādeñ hamāre maazī kī

phir aa.e dard kā mausam vahī ḳhudā na kare

haiñ us ke makr-o-riyā se sabhī yahāñ vāqif

vafā-parastī kā da.avā vo bevafā na kare

shajar huuñ 'nasr' kisī be-giyāh sahrā kā

samar kā mujh se koī shaḳhs aasrā na kare

juda shajar se kisi barg ko hawa na kare

chaman mein baad-e-muKHalif chale KHuda na kare

tamam umr guzari hai gham ki rahon mein

daraaz umr ho meri koi dua na kare

hazar zabt ka aadi hai dil mera lekin

sitam ki barishen had se koi siwa na kare

bahut hi talKH hain yaaden hamare mazi ki

phir aae dard ka mausam wahi KHuda na kare

hain us ke makr-o-riya se sabhi yahan waqif

wafa-parasti ka dawa wo bewafa na kare

shajar hun 'nasr' kisi be-giyah sahra ka

samar ka mujh se koi shaKHs aasra na kare