judai mein teri aankhon ko jhil karte hue

judā.ī meñ tirī āñkhoñ ko jhiil karte hue

subūt zaa.e.a kiyā hai dalīl karte hue

maiñ apne aap se ḳhush bhī nahīñ huuñ jaane kyoñ

so ḳhush huuñ apne hī raste tavīl karte hue

na jaane yaad use aayā kyā achānak hī

gale lagā liyā mujh ko zalīl karte hue

kahīñ tirī hī tarah ho gayā na ho ye dil

so Dar rahā huuñ ab us ko vakīl karte hue

thakan safar kī to mahsūs hī nahīñ hotī

chalūñ tumheñ jo sar-e-rāh feel karte hue

judai mein teri aankhon ko jhil karte hue

subut zaea kiya hai dalil karte hue

main apne aap se KHush bhi nahin hun jaane kyon

so KHush hun apne hi raste tawil karte hue

na jaane yaad use aaya kya achanak hi

gale laga liya mujh ko zalil karte hue

kahin teri hi tarah ho gaya na ho ye dil

so Dar raha hun ab us ko wakil karte hue

thakan safar ki to mahsus hi nahin hoti

chalun tumhein jo sar-e-rah feel karte hue