judai ruh ko jab ishtial deti hai

judā.ī ruuh ko jab ishti.āl detī hai

ḳhunuk havā bhī badan ko ubaal detī hai

agar ho vaqt kā ehsās zindagānī meñ

har ek saañs hameñ ik savāl detī hai

usī ke dam se to yādoñ ke zaḳhm taaza haiñ

yahī sabā hai jo har ghar kā haal detī hai

fazā meñ rang tirī ḳhushbuoñ ke phailā ke

dukhe diloñ ko sabā bhī malāl detī hai

raqābatoñ ke sabab se jo dhund chhā jaa.e

tirī nigāh vo manzar khañgāl detī hai

kudāl pahlī chalā kar rivāyatoñ pe 'nazar'

kiyā vo kaam ki duniyā misāl detī hai

judai ruh ko jab ishtial deti hai

KHunuk hawa bhi badan ko ubaal deti hai

agar ho waqt ka ehsas zindagani mein

har ek sans hamein ek sawal deti hai

usi ke dam se to yaadon ke zaKHm taza hain

yahi saba hai jo har ghar ka haal deti hai

faza mein rang teri KHushbuon ke phaila ke

dukhe dilon ko saba bhi malal deti hai

raqabaton ke sabab se jo dhund chha jae

teri nigah wo manzar khangal deti hai

kudal pahli chala kar riwayaton pe 'nazar'

kiya wo kaam ki duniya misal deti hai