jao qarar-e-be-dilan sham-ba-KHair shab-ba-KHair

Jaun Eliya

jao qarar-e-be-dilan sham-ba-KHair shab-ba-KHair

Jaun Eliya

MORE BYJaun Eliya

    INTERESTING FACT

    Dedicated to his ex-wife Zahida Hina

    jaao qarār-e-be-dilāñ shām-ba-ḳhair shab-ba-ḳhair

    sahn huā dhuāñ dhuāñ shām-ba-ḳhair shab-ba-ḳhair

    shām-e-visāl hai qarīb sub.h-e-kamāl hai qarīb

    phir na raheñge sargirāñ shām-ba-ḳhair shab-ba-ḳhair

    vajd karegī zindagī jism-ba-jism jāñ-ba-jāñ

    jism-ba-jism jāñ-ba-jāñ shām-ba-ḳhair shab-ba-ḳhair

    ai mire shauq umañg mere shabāb tarañg

    tujh pe shafaq sā.ebāñ shām-ba-ḳhair shab-ba-ḳhair

    mirī shā.erī meñ hai rañg-e-tarāz o gul-fishāñ

    terī bahār be-ḳhizāñ shām-ba-ḳhair shab-ba-ḳhair

    terā ḳhayāl ḳhvāb ḳhvāb ḳhalvat-e-jāñ āb-o-tāb

    jism-e-jamīl-e-o-naujavāñ shām-ba-ḳhair shab-ba-ḳhair

    hai mirā nām-e-arjumand terā hisār-e-sar-buland

    bāno-e-shahr-e-jism-o-jāñ shām-ba-ḳhair shab-ba-ḳhair

    diid se jān-e-dīd tak dil se ruḳh-e-umīd tak

    koī nahīñ hai darmiyāñ shām-ba-ḳhair shab-ba-ḳhair

    ho ga.ī der jaao tum mujh ko gale lagāo tum

    mirī jaañ hai merī jaañ shām-ba-ḳhair shab-ba-ḳhair

    shām-ba-ḳhair shab-ba-ḳhair mauj-e-shamīm-e-pairahan

    terī mahak rahegī yaañ shām-ba-ḳhair shab-ba-ḳhair

    jao qarar-e-be-dilan sham-ba-KHair shab-ba-KHair

    sahn hua dhuan dhuan sham-ba-KHair shab-ba-KHair

    sham-e-visal hai qarib subh-e-kamal hai qarib

    phir na rahenge sargiran sham-ba-KHair shab-ba-KHair

    wajd karegi zindagi jism-ba-jism jaan-ba-jaan

    jism-ba-jism jaan-ba-jaan sham-ba-KHair shab-ba-KHair

    ai mere shauq ki umang mere shabab ki tarang

    tujh pe shafaq ka saeban sham-ba-KHair shab-ba-KHair

    tu meri shaeri mein hai rang-e-taraaz o gul-fishan

    teri bahaar be-KHizan sham-ba-KHair shab-ba-KHair

    tera KHayal KHwab KHwab KHalwat-e-jaan ki aab-o-tab

    jism-e-jamil-e-o-naujawan sham-ba-KHair shab-ba-KHair

    hai mera nam-e-arjumand tera hisar-e-sar-buland

    bano-e-shahr-e-jism-o-jaan sham-ba-KHair shab-ba-KHair

    did se jaan-e-did tak dil se ruKH-e-umid tak

    koi nahin hai darmiyan sham-ba-KHair shab-ba-KHair

    ho gai der jao tum mujh ko gale lagao tum

    tu meri jaan hai meri jaan sham-ba-KHair shab-ba-KHair

    sham-ba-KHair shab-ba-KHair mauj-e-shamim-e-pairahan

    teri mahak rahegi yan sham-ba-KHair shab-ba-KHair

    Source
    • Book : shaayed (Pg. 144)

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY