kitni be-nur thi din bhar nazar-e-parwana

Shahzad Ahmad

kitni be-nur thi din bhar nazar-e-parwana

Shahzad Ahmad

MORE BYShahzad Ahmad

    kitnī be-nūr thī din bhar nazar-e-parvāna

    raat aa.ī to huī hai sahar-e-parvāna

    sham.a jalte yahāñ hashr manzar hogā

    phir koī na sakegā ḳhabar-e-parvāna

    bujh ga.ī sham.a kaTī raat ga.ī sab mahfil

    ab akele kaTegā safar-e-parvāna

    raat bhar bazm meñ hañgāma hañgāma thā

    sirf ḳhāmoshī hai ab nauha-gar-e-parvāna

    saarī maḳhlūq tamāshe ke liye aa.ī thī

    kaun thā sīkhne vaalā hunar-e-parvāna

    āsmāñ surḳh hai sūraj bhī abhī Duubā hai

    abhī raushan na karo rahguzar-e-parvāna

    na sahī jism magar ḳhaak to uḌtī phirtī

    kaash jalte na kabhī bāl-o-par-e-parvāna

    sham.a kyā chiiz hai jaltī to kahāñ tak jaltī

    abhī zinda hai dil-e-be-ḳhatar-e-parvāna

    haa.e vo husn ki jis koī mushtāq nahīñ

    haa.e vo sham.a ki hai be-ḳhabar-e-parvāna

    jis tarah guzregī ye raat guzar jā.egī

    muddatoñ yaad rahegā asar-e-parvāna

    ek jast meñ tai ho ga.ī manzil 'shahzād'

    kitne ārām se guzrā safar-e-parvāna

    kitni be-nur thi din bhar nazar-e-parwana

    raat aai to hui hai sahar-e-parwana

    shama jalte hi yahan hashr ka manzar hoga

    phir koi pa na sakega KHabar-e-parwana

    bujh gai shama kaTi raat gai sab mahfil

    ab akele hi kaTega safar-e-parwana

    raat bhar bazm mein hangama hi hangama tha

    sirf KHamoshi hai ab nauha-gar-e-parwana

    sari maKHluq tamashe ke liye aai thi

    kaun tha sikhne wala hunar-e-parwana

    aasman surKH hai suraj bhi abhi Duba hai

    abhi raushan na karo rahguzar-e-parwana

    na sahi jism magar KHak to uDti phirti

    kash jalte na kabhi baal-o-par-e-parwana

    shama kya chiz hai jalti to kahan tak jalti

    abhi zinda hai dil-e-be-KHatar-e-parwana

    hae wo husn ki jis ka koi mushtaq nahin

    hae wo shama ki hai be-KHabar-e-parwana

    jis tarah guzregi ye raat guzar jaegi

    muddaton yaad rahega asar-e-parwana

    ek hi jast mein tai ho gai manzil 'shahzad'

    kitne aaram se guzra safar-e-parwana

    Source
    • Book : Deewar pe dastak (Pg. 402)

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY