meri tanhai baDhate hain chale jate hain

Abbas Tabish

meri tanhai baDhate hain chale jate hain

Abbas Tabish

MORE BYAbbas Tabish

    merī tanhā.ī baḌhāte haiñ chale jaate haiñ

    hañs tālāb pe aate haiñ chale jaate haiñ

    is liye ab maiñ kisī ko nahīñ jaane detā

    jo mujhe chhoḌ ke jaate haiñ chale jaate haiñ

    merī āñkhoñ se bahā kartī hai un ḳhushbū

    raftagāñ ḳhvāb meñ aate haiñ chale jaate haiñ

    shādi-e-marg māhaul banā rahtā hai

    aap aate haiñ rulāte haiñ chale jaate haiñ

    kab tumheñ ishq pe majbūr kiyā hai ham ne

    ham to bas yaad dilāte haiñ chale jaate haiñ

    aap ko kaun tamāshā.ī samajhtā hai yahāñ

    aap to aag lagāte haiñ chale jaate haiñ

    haath patthar ko baḌhā.ūñ to sagān-e-duniyā

    hairatī ban ke dikhāte haiñ chale jaate haiñ

    meri tanhai baDhate hain chale jate hain

    hans talab pe aate hain chale jate hain

    is liye ab main kisi ko nahin jaane deta

    jo mujhe chhoD ke jate hain chale jate hain

    meri aankhon se baha karti hai un ki KHushbu

    raftagan KHwab mein aate hain chale jate hain

    shadi-e-marg ka mahaul bana rahta hai

    aap aate hain rulate hain chale jate hain

    kab tumhein ishq pe majbur kiya hai hum ne

    hum to bas yaad dilate hain chale jate hain

    aap ko kaun tamashai samajhta hai yahan

    aap to aag lagate hain chale jate hain

    hath patthar ko baDhaun to sagan-e-duniya

    hairati ban ke dikhate hain chale jate hain

    Videos
    This video is playing from YouTube

    Videos
    This video is playing from YouTube

    Abbas Tabish

    Abbas Tabish

    Source
    • Book : Ishq Abaad (kulliyat) (Pg. 627)

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY