junun-e-ishq jaanan aql ke maron se kya kahta

junūn-e-ishq jānāñ aql ke māroñ se kyā kahtā

in asnām-e-ḳhayālī ke parastāroñ se kyā kahtā

mohabbat kholtī hai raaz hushyārī-o-mastī ke

na khulte ye to maiñ in ke talab-gāroñ se kyā kahtā

jafā se us kā maqsad dil jigar kā pās-e-ḳhātir thā

vafā kartā to ġham ke nāz-bardāroñ se kyā kahtā

sunā kartā sadā bāteñ agar buqrāt-o-luqmāñ kī

to phir us bazm-e-hastī ke tarah-dāroñ se kyā kahtā

jahāñ bar-dosh the har-chand jalve mehr-e-tābāñ ke

yahīñ ruktā to shab ke chāñd aur tāroñ se kyā kahtā

jo rindoñ meñ na jaatā mahfil-e-va.az-o-nasīhat se

to chashm-e-mai-gūñ mast-e-nāz mah-pāroñ se kyā kahtā

junun-e-ishq jaanan aql ke maron se kya kahta

in asnam-e-KHayali ke parastaron se kya kahta

mohabbat kholti hai raaz hushyari-o-masti ke

na khulte ye to main in ke talab-garon se kya kahta

jafa se us ka maqsad dil jigar ka pas-e-KHatir tha

wafa karta to gham ke naz-bardaron se kya kahta

suna karta sada baaten agar buqraat-o-luqman ki

to phir us bazm-e-hasti ke tarah-daron se kya kahta

jahan bar-dosh the har-chand jalwe mehr-e-taban ke

yahin rukta to shab ke chand aur taron se kya kahta

jo rindon mein na jata mahfil-e-waz-o-nasihat se

to chashm-e-mai-gun mast-e-naz mah-paron se kya kahta