junun-e-ishq ye kya rang-e-mahfil hai jahan main hun

junūn-e-ishq ye kyā rañg-e-mahfil hai jahāñ maiñ huuñ

jo aalam hai mirā hī ālam-e-dil hai jahāñ maiñ huuñ

yahāñ tak kār-farmā jazb-e-kāmil hai jahāñ maiñ huuñ

ki farq-e-zāhir-o-bātin bhī mushkil hai jahāñ maiñ huuñ

sivā-e-husn koī bhī nahīñ hai maqsad-e-hastī

sivā-e-ishq har ehsās-e-bātil hai jahāñ maiñ huuñ

junūn-e-ġham kā shikva kis se kiije kis tarah kiije

tajallī ḳhud sharīk-e-ālam-e-dil hai jahāñ maiñ huuñ

kuchh aisī be-niyāzī sī talāsh-e-chāragar se hai

yahāñ har rañj goyā rāhat-e-dil hai jahāñ maiñ huuñ

mujhe tūfān to uThte hue mahsūs hote haiñ

ba-zāhir koī dariyā hai na sāhil hai jahāñ maiñ huuñ

shu.ūr-e-har-haqīqat munhasir dīvāngī par hai

magar dīvāngī ek kār-e-mushkil hai jahāñ maiñ huuñ

baqā tarġhīb detī hai mujhe shauq-e-farāvāñ kī

fanā minjumla-e-āsār-e-manzil hai jahāñ maiñ huuñ

liye jaatā hai koī 'kaif' varna ye haqīqat hai

yahāñ to do qadam chalnā bhī mushkil hai jahāñ maiñ huuñ

junun-e-ishq ye kya rang-e-mahfil hai jahan main hun

jo aalam hai mera hi aalam-e-dil hai jahan main hun

yahan tak kar-farma jazb-e-kaamil hai jahan main hun

ki farq-e-zahir-o-baatin bhi mushkil hai jahan main hun

siwa-e-husn koi bhi nahin hai maqsad-e-hasti

siwa-e-ishq har ehsas-e-baatil hai jahan main hun

junun-e-gham ka shikwa kis se kije kis tarah kije

tajalli KHud sharik-e-alam-e-dil hai jahan main hun

kuchh aisi be-niyazi si talash-e-chaaragar se hai

yahan har ranj goya rahat-e-dil hai jahan main hun

mujhe tufan to uThte hue mahsus hote hain

ba-zahir koi dariya hai na sahil hai jahan main hun

shuur-e-har-haqiqat munhasir diwangi par hai

magar diwangi ek kar-e-mushkil hai jahan main hun

baqa targhib deti hai mujhe shauq-e-farawan ki

fana minjumla-e-asar-e-manzil hai jahan main hun

liye jata hai koi 'kaif' warna ye haqiqat hai

yahan to do qadam chalna bhi mushkil hai jahan main hun