junun-e-rang ham-ahangi-e-mazaq tumhi

junūn-e-rañg ham-āhañgī-e-mazāq tumhī

binā-e-rañj tumhī vaj.h-e-ittifāq tumhī

tumhī ho raushnī-e-tab-e-kushtagān-e-hayāt

shab-e-siyāh alam meñ sirāj-e-tāq tumhī

ravāñ-davāñ nahīñ mujh meñ koī tumhāre sivā

tumhī ho manzar-e-mavvāj chashm-e-vāq tumhī

tumhī se hoñ to ye kyuuñ sochtā huuñ maiñ kyā huuñ

tumhī ki husn-e-jahāñ bhī ho husn-e-tāq tumhī

maiñ aa.ine kī tarah be-ḳhabar huuñ hairāñ huuñ

maiñ kaise boloñ ki raaqī tumhīñ ho raaq tumhī

ye ḳhair-o-shar meñ tanāsub tumhī se qaa.em hai

tumhī ho musbat-o-manfī ke sañg-e-hāq tumhī

junun-e-rang ham-ahangi-e-mazaq tumhi

bina-e-ranj tumhi wajh-e-ittifaq tumhi

tumhi ho raushni-e-tab-e-kushtagan-e-hayat

shab-e-siyah alam mein siraj-e-taq tumhi

rawan-dawan nahin mujh mein koi tumhaare siwa

tumhi ho manzar-e-mawwaj chashm-e-waq tumhi

tumhi se hon to ye kyun sochta hun main kya hun

tumhi ki husn-e-jahan bhi ho husn-e-taq tumhi

main aaine ki tarah be-KHabar hun hairan hun

main kaise bolon ki raqi tumhin ho raq tumhi

ye KHair-o-shar mein tanasub tumhi se qaem hai

tumhi ho musbat-o-manfi ke sang-e-haq tumhi