junun-e-shauq ki dar-o-rasan ki baat chali

junūn-e-shauq kī dār-o-rasan kī baat chalī

hamāre ba.ad hamāre chalan kī baat chalī

ġham-e-hayāt ne sab kuchh bhulā diyā thā magar

taḌap uThe jo tirī anjuman kī baat chalī

bayān-e-mausam-e-gul dāstān-e-raqs-e-bahār

ba-tarz-e-nau usī gul-pairahan kī baat chalī

fazā-e-sub.h-e-gulistāñ se shām-e-zindāñ tak

ḳhulūs-e-ham-nafsān-e-vatan kī baat chalī

shuā-e-dard se jab sañg-e-be-hisī pighlā

tilism-e-shīsha-girān-e-kuhan kī baat chalī

junun-e-shauq ki dar-o-rasan ki baat chali

hamare baad hamare chalan ki baat chali

gham-e-hayat ne sab kuchh bhula diya tha magar

taDap uThe jo teri anjuman ki baat chali

bayan-e-mausam-e-gul dastan-e-raqs-e-bahaar

ba-tarz-e-nau usi gul-pairahan ki baat chali

faza-e-subh-e-gulistan se sham-e-zindan tak

KHulus-e-ham-nafsan-e-watan ki baat chali

shua-e-dard se jab sang-e-be-hisi pighla

tilism-e-shisha-giran-e-kuhan ki baat chali