junun-e-shauq ki sar-gardiyan kahan tak hain

junūn-e-shauq kī sar-gardiyāñ kahāñ tak haiñ

fareb-e-husn tirī bastiyāñ kahāñ tak haiñ

kisī kī yaad hai dil meñ na koī aks-e-jamīl

zahe-nasīb ye mahrūmiyāñ kahāñ tak haiñ

kaThin hai zabt kahe to hai ḳhauf-e-rusvā.ī

dil-e-ġharīb kī majbūriyāñ kahāñ tak haiñ

use ye shauq sahārā ho umr bhar merā

mujhe ye fikr ye hamdardiyāñ kahāñ tak haiñ

ye qahr-qahr nigāheñ ye zahr-zahr suḳhan

maiñ sochtā huuñ tirī talḳhiyāñ kahāñ tak haiñ

laboñ pe giit vafā ke diloñ meñ buġhz-o-inād

urūj-e-dahr kī ye pastiyāñ kahāñ tak haiñ

junun-e-shauq ki sar-gardiyan kahan tak hain

fareb-e-husn teri bastiyan kahan tak hain

kisi ki yaad hai dil mein na koi aks-e-jamil

zahe-nasib ye mahrumiyan kahan tak hain

kaThin hai zabt kahe to hai KHauf-e-ruswai

dil-e-gharib ki majburiyan kahan tak hain

use ye shauq sahaara ho umr bhar mera

mujhe ye fikr ye hamdardiyan kahan tak hain

ye qahr-qahr nigahen ye zahr-zahr suKHan

main sochta hun teri talKHiyan kahan tak hain

labon pe git wafa ke dilon mein bughz-o-inad

uruj-e-dahr ki ye pastiyan kahan tak hain