junun hai to qafas kab tak qafas ki tiliyan kab tak

junūñ hai to qafas kab tak qafas kī tīliyāñ kab tak

na aa.egī idhar āḳhir havā-e-gulsitāñ kab tak

rahegī mere dam se garmī-e-bazm-e-jahāñ kab tak

fuġhāñ par naaz hai mujh ko magar tāb-e-fuġhāñ kab tak

mirā afsāna-e-hastī hai afsāna-dar-afsāna

sunegā koī merī zindagī kī dāstāñ kab tak

badal de ḳhud nizām-e-dahr ko gar tujh meñ himmat hai

karegā intizār-e-inqalāb-e-āsmāñ kab tak

na kar majbūr ai sayyād mujh ko ḳhud-farebī par

tere kahne se maiñ samjhūñ qafas ko āshiyāñ kab tak

kisī din ḳhatm hī hoñgī ta.ayyun kī hadeñ āḳhir

rahegī shauq-e-sajda par ye qaid-e-āstāñ kab tak

junun hai to qafas kab tak qafas ki tiliyan kab tak

na aaegi idhar aaKHir hawa-e-gulsitan kab tak

rahegi mere dam se garmi-e-bazm-e-jahan kab tak

fughan par naz hai mujh ko magar tab-e-fughan kab tak

mera afsana-e-hasti hai afsana-dar-afsana

sunega koi meri zindagi ki dastan kab tak

badal de KHud nizam-e-dahr ko gar tujh mein himmat hai

karega intizar-e-inqalab-e-asman kab tak

na kar majbur ai sayyaad mujh ko KHud-farebi par

tere kahne se main samjhun qafas ko aashiyan kab tak

kisi din KHatm hi hongi tayyun ki haden aaKHir

rahegi shauq-e-sajda par ye qaid-e-astan kab tak