جنوں کے دور میں ایسی بھی اک گھڑی آئی

جنوں کے دور میں ایسی بھی اک گھڑی آئی

کہ اپنے حال پہ بے ساختہ ہنسی آئی

وہیں دیا ہے سہارا جھلک دکھا کے مجھے

جہاں بھی ذوق طلب میں مرے کمی آئی

ہے اپنا ذوق محبت ورائے ذوق جہاں

کہ تم نے ظلم کئے مجھ میں تازگی آئی

فراز طور ہو اس میں کہ بزم حسن و جمال

اڑائے ہوش جہاں بھی تجھے ہنسی آئی

مذاق کفر کی تو نے ہی تو بنا ڈالی

کہ تو نہ سامنے آیا نہ بندگی آئی

چلا جو کوچۂ جاناں کی سمت میں نخشبؔ

تو دور تک مجھے سمجھانے زندگی آئی