junun ke daur mein aisi bhi ek ghaDi aai

junūñ ke daur meñ aisī bhī ik ghaḌī aa.ī

ki apne haal pe be-sāḳhta hañsī aa.ī

vahīñ diyā hai sahārā jhalak dikhā ke mujhe

jahāñ bhī zauq-e-talab meñ mire kamī aa.ī

hai apnā zauq-e-mohabbat varā-e-zauq-e-jahāñ

ki tum ne zulm kiye mujh meñ tāzgī aa.ī

farāz-e-tūr ho us meñ ki bazm-e-husn-o-jamāl

uḌaa.e hosh jahāñ bhī tujhe hañsī aa.ī

mazāq-e-kufr kī tū ne hī to binā Daalī

ki tū na sāmne aaya na bandagī aa.ī

chalā jo kūcha-e-jānāñ kī samt meñ 'naḳhshab'

to duur tak mujhe samjhāne zindagī aa.ī

junun ke daur mein aisi bhi ek ghaDi aai

ki apne haal pe be-saKHta hansi aai

wahin diya hai sahaara jhalak dikha ke mujhe

jahan bhi zauq-e-talab mein mere kami aai

hai apna zauq-e-mohabbat wara-e-zauq-e-jahan

ki tum ne zulm kiye mujh mein tazgi aai

faraaz-e-tur ho us mein ki bazm-e-husn-o-jamal

uDae hosh jahan bhi tujhe hansi aai

mazaq-e-kufr ki tu ne hi to bina Dali

ki tu na samne aaya na bandagi aai

chala jo kucha-e-jaanan ki samt mein 'naKHshab'

to dur tak mujhe samjhane zindagi aai