junun ki qimat chuka rahe hain

junūñ kī qīmat chukā rahe haiñ

ḳhayāl ke par kaTā rahe haiñ

vajūd ke sad-hazār purze

fazā-e-kun meñ uḌā rahe haiñ

mirā hī dil be-yaqīñ hai varna

sabhī chaḌhāve chaḌhā rahe haiñ

zamīñ ko dozaḳh banā ke mullā

ḳhayālī jannat sajā rahe haiñ

ghumā ke Dorī meñ chand daane

ḳhudā pe ehsāñ jatā rahe haiñ

balī chaḌhā ke ye ḳhush-‘aqīda

ḳhayālī paikar manā rahe haiñ

vo aa.ine se ḳhafā haiñ baiThe

jo 'aib mere ginā rahe haiñ

thapak ke derīna vasvasoñ ko

na.e tavahhum satā rahe haiñ

ab in samājoñ ko raakh kar do

jo aarzū kī chitā rahe haiñ

bahisht se nikle ḳhāk-zāde

zamīñ kī raunaq baḌhā rahe haiñ

ik aan kī laaj meñ ham aise

nibhā rahe the nibhā rahe haiñ

junun ki qimat chuka rahe hain

KHayal ke par kaTa rahe hain

wajud ke sad-hazar purze

faza-e-kun mein uDa rahe hain

mera hi dil be-yaqin hai warna

sabhi chaDhawe chaDha rahe hain

zamin ko dozaKH bana ke mulla

KHayali jannat saja rahe hain

ghuma ke Dori mein chand dane

KHuda pe ehsan jata rahe hain

bali chaDha ke ye KHush-‘aqida

KHayali paikar mana rahe hain

wo aaine se KHafa hain baiThe

jo 'aib mere gina rahe hain

thapak ke derina waswason ko

nae tawahhum sata rahe hain

ab in samajon ko rakh kar do

jo aarzu ki chita rahe hain

bahisht se nikle KHak-zade

zamin ki raunaq baDha rahe hain

ek aan ki laj mein hum aise

nibha rahe the nibha rahe hain