جنوں میں ہم اگرچہ مستقل خاموش رہتے ہیں

جنوں میں ہم اگرچہ مستقل خاموش رہتے ہیں

خرد کی سازشوں سے بھی مگر باہوش رہتے ہیں

سفر جاری ہے صدیوں سے ہمارا نبض عالم میں

نگاہوں سے زمانے کی مگر روپوش رہتے ہیں

ہمارے حوصلوں کو آزمانا سوچ کر ظالم

قبیلے میں ہمارے سب کفن بر دوش رہتے ہیں

نہیں پہچانتی جو وقت مٹ جاتی ہیں وہ قومیں

نہ ان میں حوصلے باقی نہ ان میں جوش رہتے ہیں

ہماری قوم پر طاری ہے گہری نیند کچھ ایسی

کہ جیسے خواب میں ڈوبے ہوئے خرگوش رہتے ہیں

غم دوراں غم جاناں غم ہجراں غم یاراں

یہ سارے غم ہمیشہ مجھ سے ہم آغوش رہتے ہیں