junun-o-shauq ka ye silsila chale na chale

junūn-o-shauq kā ye silsila chale na chale

hamāre baa'd hamārī navā chale na chale

hamāre ishq meñ phir hausla rahe na rahe

phir itne josh meñ mauj-e-balā chale na chale

tumhārī yaad se ḳhushbū uThegī har pahlū

charāġh jaltā rahegā havā chale na chale

gumāñ bhī guzrā jo dil meñ to Dar sā lagtā hai

sitam ke daur meñ rasm-e-vafā chale na chale

rahegā saath meñ saaya qadam qadam chāhe

hamāre saath koī āshnā chale na chale

jhukī nigāh kā jaadū to chal hī jā.egā

'rafīq' aap kā shikva-gila chale na chale

junun-o-shauq ka ye silsila chale na chale

hamare ba'd hamari nawa chale na chale

hamare ishq mein phir hausla rahe na rahe

phir itne josh mein mauj-e-bala chale na chale

tumhaari yaad se KHushbu uThegi har pahlu

charagh jalta rahega hawa chale na chale

guman bhi guzra jo dil mein to Dar sa lagta hai

sitam ke daur mein rasm-e-wafa chale na chale

rahega sath mein saya qadam qadam chahe

hamare sath koi aashna chale na chale

jhuki nigah ka jadu to chal hi jaega

'rafiq' aap ka shikwa-gila chale na chale