junun-parwarda dil se aagahi dekhi nahin jati

junūñ-parvarda dil se āgahī dekhī nahīñ jaatī

ye zulfoñ meñ rahā hai raushnī dekhī nahīñ jaatī

maiñ dānista har ik bazm-e-tarab se duur rahtā huuñ

ki fart-e-ġham meñ auroñ kī ḳhushī dekhī nahīñ jaatī

ḳhudārā muskurā kar shaad kar do saarī mahfil ko

jahāñ tum ho vahāñ afsurdagī dekhī nahīñ jaatī

taġhāful chhoḌiye shān-e-karam par harf aatā hai

parastāroñ se itnī be-ruḳhī dekhī nahīñ jaatī

kisī dar par tumhāre dar kā saa.il haath phailā.e

mohabbat meñ ye daryūza-garī dekhī nahīñ jaatī

umañD aatī haiñ āñkheñ kyā mazāq-e-dīd ko ro.eñ

ki ab ham se tirī tasvīr bhī dekhī nahīñ jaatī

'shifā' nākām-e-ulfat ko sahārā koī kyā degā

shikasta dil pe duniyā kī hañsī dekhī nahīñ jaatī

junun-parwarda dil se aagahi dekhi nahin jati

ye zulfon mein raha hai raushni dekhi nahin jati

main danista har ek bazm-e-tarab se dur rahta hun

ki fart-e-gham mein auron ki KHushi dekhi nahin jati

KHudara muskura kar shad kar do sari mahfil ko

jahan tum ho wahan afsurdagi dekhi nahin jati

taghaful chhoDiye shan-e-karam par harf aata hai

parastaron se itni be-ruKHi dekhi nahin jati

kisi dar par tumhaare dar ka sail hath phailae

mohabbat mein ye daryuza-gari dekhi nahin jati

umanD aati hain aankhen kya mazaq-e-did ko roen

ki ab hum se teri taswir bhi dekhi nahin jati

'shifa' nakaam-e-ulfat ko sahaara koi kya dega

shikasta dil pe duniya ki hansi dekhi nahin jati