junun talim kuchh farma raha hai

junūñ tā'līm kuchh farmā rahā hai

ḳhirad kā saath chhūTā jā rahā hai

baḌhī jaatī hai sham'-e-bazm kī lau

koī parvāna shāyad aa rahā hai

fanā kā pesh-rau is ko samajhiye

jo lamha zindagī kā jā rahā hai

ilāhī sharm rakhnā rāz-e-dil kī

kisī kā naam lab par aa rahā hai

tirī raushan-jabīñ kā hai vo 'ālam

charāġh-e-māh bhī sharmā rahā hai

nigah ne shakl tak dekhī nahīñ hai

pas-e-parda koī taḌpā rahā hai

'nihāl' āñkheñ uThā bahr-nazāra

koī sū-e-gulistāñ aa rahā hai

junun ta'lim kuchh farma raha hai

KHirad ka sath chhuTa ja raha hai

baDhi jati hai sham'-e-bazm ki lau

koi parwana shayad aa raha hai

fana ka pesh-rau is ko samajhiye

jo lamha zindagi ka ja raha hai

ilahi sharm rakhna raaz-e-dil ki

kisi ka nam lab par aa raha hai

teri raushan-jabin ka hai wo 'alam

charagh-e-mah bhi sharma raha hai

nigah ne shakl tak dekhi nahin hai

pas-e-parda koi taDpa raha hai

'nihaal' aankhen uTha bahr-nazara

koi su-e-gulistan aa raha hai