jur.at-e-ishq havas-kār huī jaatī hai
be-piye tauba gunahgār huī jaatī hai
dil hai afsurda to be-rañg hai har rañg-e-bahār
bū-e-gul bhī ḳhalish-e-ḳhār huī jaatī hai
bāvajūde-ki junūñ par haiñ ḳhirad ke pahre
phir bhī zanjīr kī jhankār huī jaatī hai
har nafas mauj-e-fanā tere thapeḌoñ ke tufail
kashti-e-umr-e-ravāñ paar huī jaatī hai
jo namāz aaj sar-e-dār adā kī maiñ ne
sajda-e-shukr kā me.aar huī jaatī hai
jitnī āsāniyāñ hotī haiñ farāham din raat
zindagī utnī hī dushvār huī jaatī hai
jab se dekhā hai kisī ke ruḳh-e-raushan ko 'figār'
aañkh har jalve se bezār huī jaatī hai
jurat-e-ishq hawas-kar hui jati hai
be-piye tauba gunahgar hui jati hai
dil hai afsurda to be-rang hai har rang-e-bahaar
bu-e-gul bhi KHalish-e-KHar hui jati hai
bawajude-ki junun par hain KHirad ke pahre
phir bhi zanjir ki jhankar hui jati hai
har nafas mauj-e-fana tere thapeDon ke tufail
kashti-e-umr-e-rawan par hui jati hai
jo namaz aaj sar-e-dar ada ki main ne
sajda-e-shukr ka mear hui jati hai
jitni aasaniyan hoti hain faraham din raat
zindagi utni hi dushwar hui jati hai
jab se dekha hai kisi ke ruKH-e-raushan ko 'figar'
aankh har jalwe se bezar hui jati hai
Source :
- Book : Harf-o-nava (Pg. 125)
- Author : umesh bahadur sirivasto figaar unnavi
-
Publication : Figaar Unnavi
(2001)
- Edition : 2001
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
