jurat-o-azm chahiye dil mein

jur.at-o-azm chāhiye dil meñ

koī mushkil nahīñ hai mushkil meñ

us safīne kā tazkira be-sūd

ho chukā hai jo ġharq sāhil meñ

haa.e us kārvāñ kī pāmālī

luT gayā jo pahuñch ke manzil meñ

ye hai shān-e-kamāl-e-ḳhuddārī

be-niyāzī hai un kī mahfil meñ

roġhan-e-ḳhūn-e-ārzū se mire

jal rahā hai charāġh mahfil meñ

phūñk saktā hai ḳhirman-e-hastī

vo sharārā hai tūda-e-gul meñ

raushnī vo hai aur ye zulmat

farq itnā hai haqq-o-bātil meñ

muñh kī khānī paḌegī ai 'hamdam'

jo bhī aayā tire muqābil meñ

jurat-o-azm chahiye dil mein

koi mushkil nahin hai mushkil mein

us safine ka tazkira be-sud

ho chuka hai jo gharq sahil mein

hae us karwan ki pamali

luT gaya jo pahunch ke manzil mein

ye hai shan-e-kamal-e-KHuddari

be-niyazi hai un ki mahfil mein

roghan-e-KHun-e-arzu se mere

jal raha hai charagh mahfil mein

phunk sakta hai KHirman-e-hasti

wo sharara hai tuda-e-gul mein

raushni wo hai aur ye zulmat

farq itna hai haqq-o-baatil mein

munh ki khani paDegi ai 'hamdam'

jo bhi aaya tere muqabil mein