jurm Thahra haal se aage ka naqsha dekhna

jurm Thahrā haal se aage kā naqsha dekhnā

tāzgī kī aas rakhnā aur sabza dekhnā

aarzū karnā chaman-zāroñ kī sabza-zār kī

aur tā-hadd-e-nazar sahrā hī sahrā dekhnā

azm ye rakhnā ki gahrā.ī kā siina chiir deñ

aur apne aap ko sāhil pe tanhā dekhnā

dhuup kī bārish meñ rahnā pyaas kī lahroñ ke saath

har sarāb-e-dasht ko tasvīr-e-dariyā dekhnā

dekhne vāloñ se koī harf-e-manzar kyā kahe

aañkh kī taqdīr meñ likhkhā hai kyā kyā dekhnā

ye alāmat kaun sī hai kis se pūchhūñ ai havā

pahlī rut meñ har shajar par zard pattā dekhnā

kaun batlā.egā 'ansar' aisī bātoñ kā javāz

chāñdnī meñ bādbāñ par aks-e-dariyā dekhnā

jurm Thahra haal se aage ka naqsha dekhna

tazgi ki aas rakhna aur sabza dekhna

aarzu karna chaman-zaron ki sabza-zar ki

aur ta-hadd-e-nazar sahra hi sahra dekhna

azm ye rakhna ki gahrai ka sina chir den

aur apne aap ko sahil pe tanha dekhna

dhup ki barish mein rahna pyas ki lahron ke sath

har sarab-e-dasht ko taswir-e-dariya dekhna

dekhne walon se koi harf-e-manzar kya kahe

aankh ki taqdir mein likhkha hai kya kya dekhna

ye alamat kaun si hai kis se puchhun ai hawa

pahli rut mein har shajar par zard patta dekhna

kaun batlaega 'ansar' aisi baaton ka jawaz

chandni mein baadban par aks-e-dariya dekhna