justuju mein wo daur bhi aaya

justujū meñ vo daur bhī aaya

ham ne manzil ko aap Thukrāyā

apne saaya ko jab se apnāyā

koī sūraj na mere paas aaya

phuul us kī taraf baḌhe aksar

jis ne kāñToñ se dil ko bahlāyā

rūh-e-kaunain jhuum jhuum ga.ī

ham ne ulfat kā giit jab gaayā

dil meñ kyā kuchh na thā mire lekin

un se ik baat bhī na kah paayā

jagmagāne lagā jahān-e-ḳhayāl

kaun yādash-ba-ḳhabar yaad aaya

shauq-e-manzil thā ai 'bahār' magar

manzil aa.ī to aur ghabrāyā

justuju mein wo daur bhi aaya

hum ne manzil ko aap Thukraya

apne saya ko jab se apnaya

koi suraj na mere pas aaya

phul us ki taraf baDhe aksar

jis ne kanTon se dil ko bahlaya

ruh-e-kaunain jhum jhum gai

hum ne ulfat ka git jab gaya

dil mein kya kuchh na tha mere lekin

un se ek baat bhi na kah paya

jagmagane laga jahan-e-KHayal

kaun yaadash-ba-KHabar yaad aaya

shauq-e-manzil tha ai 'bahaar' magar

manzil aai to aur ghabraya