justuju ne bahkaya mujhko dar-ba-dar tanha

justujū ne bahkāyā mujh ko dar-ba-dar tanhā

kitne hī sanam dekhe jhuk sakā na sar tanhā

ham-navā hazāroñ haiñ par-shikasta-o-māyūs

ai ḳhudā nahīñ zebā mujh ko bāl-o-par tanhā

maiñ ne to pukārā thā koī ham-safar mil jaa.e

jab na koī saath aaya kar liyā safar tanhā

tez-rau haiñ nazzāre fursat-e-nazar kam hai

ye hazār-hā jalve aur mirī nazar tanhā

haa.e kaisā sannāTā ye bhī koī maqtal hai

sharm-e-ishq rakhnā thī rakh diyā hai sar tanhā

justuju ne bahkaya mujh ko dar-ba-dar tanha

kitne hi sanam dekhe jhuk saka na sar tanha

ham-nawa hazaron hain par-shikasta-o-mayus

ai KHuda nahin zeba mujh ko baal-o-par tanha

main ne to pukara tha koi ham-safar mil jae

jab na koi sath aaya kar liya safar tanha

tez-rau hain nazzare fursat-e-nazar kam hai

ye hazar-ha jalwe aur meri nazar tanha

hae kaisa sannaTa ye bhi koi maqtal hai

sharm-e-ishq rakhna thi rakh diya hai sar tanha