ju-e-kam-ab se ek tez sa jharna hua main

jū-e-kam-āb se ik tez sā jharnā huā maiñ

terī jānib huuñ ravāñ shor machātā huā maiñ

mujh se ḳhālī nahīñ ab ek bhī zarra hai yahāñ

dekh ye tañg zamīñ aur ye phailā huā maiñ

dekh kar vus.at-e-sahrā-e-tapāñ larzāñ huuñ

sāhil-e-dīda-e-namnāk pe Thahrā huā maiñ

pā-ba-zanjīr idhar tez huā aur udhar

ḳhaak ke taḳht pe sultān sā baiThā huā maiñ

koī ḳhurshīd sā duniyā pe chamaktā huā tū

kisī dīvār se saaya sā nikaltā huā maiñ

ju-e-kam-ab se ek tez sa jharna hua main

teri jaanib hun rawan shor machata hua main

mujh se KHali nahin ab ek bhi zarra hai yahan

dekh ye tang zamin aur ye phaila hua main

dekh kar wusat-e-sahra-e-tapan larzan hun

sahil-e-dida-e-namnak pe Thahra hua main

pa-ba-zanjir idhar tez hua aur udhar

KHak ke taKHt pe sultan sa baiTha hua main

koi KHurshid sa duniya pe chamakta hua tu

kisi diwar se saya sa nikalta hua main