juz aur kya kisi se hai jhagDa faqir ka
juz aur kyā kisī se hai jhagḌā faqīr kā
kuttoñ ne rok rakkhā hai rasta faqīr kā
ujlā hai us se baḌh ke kahīñ ruuh kā libās
mailā hai jis qadar bhī ye kurtā faqīr kā
jab dhuup ke safar meñ mirā ham-safar banā
bargad se bhī ghanā lagā saaya faqīr kā
dariyā kabhī palaT ke nahīñ aayā aaj tak
badlegā kis tarah se irāda faqīr kā
kuTiyā kā ho ki koī mahal kā muqīm ho
har aadmī ke saath hai rishta faqīr kā
juz aur kya kisi se hai jhagDa faqir ka
kutton ne rok rakkha hai rasta faqir ka
ujla hai us se baDh ke kahin ruh ka libas
maila hai jis qadar bhi ye kurta faqir ka
jab dhup ke safar mein mera ham-safar bana
bargad se bhi ghana laga saya faqir ka
dariya kabhi palaT ke nahin aaya aaj tak
badlega kis tarah se irada faqir ka
kuTiya ka ho ki koi mahal ka muqim ho
har aadmi ke sath hai rishta faqir ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
