juz marg dard-e-ishq se koi mafar nahin

juz marg dard-e-ishq se koī mafar nahīñ

is ke liye davā-o-duā kārgar nahīñ

kis darja pur-ḳhatar haiñ mohabbat kī manzileñ

is par ye turra hai ki koī rāhbar nahīñ

tīr-e-nigāh-e-nāz ne kyā kyā sitam kiye

majrūh dil nahīñ ki do paara jigar nahīñ

ḳhud se bhī be-ḳhabar haiñ tire intizār meñ

aur terī yaad dil se judā lamha bhar nahīñ

jis shai pe kī nigāh dikhā.ī diye ho tum

kyā hai agar ye husn-e-fareb-e-nazar nahīñ

tum ne hazār baar diye haiñ hameñ fareb

lekin hamāre ishq meñ zer-o-zabar nahīñ

'jauhar' luTā.ī ham ne to kul kā.enāt-e-zīst

lekin us āfat-e-dil-o-jāñ par asar nahīñ

juz marg dard-e-ishq se koi mafar nahin

is ke liye dawa-o-dua kargar nahin

kis darja pur-KHatar hain mohabbat ki manzilen

is par ye turra hai ki koi rahbar nahin

tir-e-nigah-e-naz ne kya kya sitam kiye

majruh dil nahin ki do para jigar nahin

KHud se bhi be-KHabar hain tere intizar mein

aur teri yaad dil se juda lamha bhar nahin

jis shai pe ki nigah dikhai diye ho tum

kya hai agar ye husn-e-fareb-e-nazar nahin

tum ne hazar bar diye hain hamein fareb

lekin hamare ishq mein zer-o-zabar nahin

'jauhar' luTai hum ne to kul kaenat-e-zist

lekin us aafat-e-dil-o-jaan par asar nahin